Cristiana Fracasso
Studienaufenthalt in Cambridge, UK - 2007
Woni mini Lehr ha agfange hani zämä mit mine Lehrbetreuer entschide, dasi die müglechkeit darf ha, i de erschte zwe Lehrjohr darf ä Sprachufenthaut mache. Wenn, Was und Wo. ha i dörfe entscheide.
Natürlech hani grad sofort afa recharchiere. Ha nachdänkt, ob französisch oder änglisch, ob ussland oder innland, ob gaaanz wiit wäg oder ou ir nöchi. Ha viu müglechkeite offe kha und hami schlussändlech hani mi für die schöni Sprach ÄNGLISCH entschide.
Z`erscht hani ane Ferieort weue. klar, weles teenie wet scho nid imne sprachufenthaut ane Ferieort? Aber. bim gnauere überlegge isch mr ufgfaue dass die meischte vo dene Orte nur für Partifürnde wär, klar wär dass vou öppis für mi, aber i hätt dert nüt glehrt. Ferie mache chani ou süsch hani dänkt und die Reis is usland isch würklech nur zum fördere vore frömdsprach dänkt gsi.
Auso hani mi für Cambridge entschide. D`stadt bekannt für ihri zahlriichi studierendi und für ihri Universitäte. Ou dert ischs sehr schön gsi. Ha viu glehrt, viu gse, und mit dene lüt woni dert ha kenne glehrt isch eifach ou jede abä lustig worde. Zwe sehr produktivi wuchene hani dert chönne verbringe. Am Schluss vo mim zwe-wüchig Kurs hani de es Diplom becho. S`abschid näh isch zimmli schwär gsi.
